O Sindicato Unificado da Policía en Galicia (SUP Galicia) e a UNED Lugo asinan un convenio de colaboración

A UNED de Lugo asinou esta mañá un convenio co Sindicato Unificado da Policía en Galicia, mediante o cal, o centro universitario recoñecerá a policías afiliados o beneficio de matrícula especial nas actividades que desenvolva relacionadas coas funcións propias do colectivo profesional. Ademais, a UNED de Lugo, por medio deste convenio, comprométese a deseñar actividades a proposta do SUP-Galicia, co fin de proporcionar formación específica aos seus afiliados.

Na firma do convenio estiveron presentes don José Carlos Lage Seijo, secretario de Formación do Sindicato Unificado de Policía en Galicia, don Alfonso Darriba Andión, secretario SUP Lugo e a propia directora do centro, dona Ana Belén Traseira Pena.