Programa de mentoría STEMBach
Resolución do Consello de Goberno
O Consello de Goberno da Universidade Nacional de Educación a Distancia (UNED) aprobou o recoñecemento de créditos pola participación no programa de Mentorado STEMBach, unha iniciativa pioneira impulsada polo Centro Asociado da UNED en Lugo, que se desenvolverá durante o curso académico 2025-2026.
O programa STEMBach, promovido pola Consellería de Educación, Ciencia, Universidades e Formación Profesional da Xunta de Galicia, busca fomentar as vocacións científicas, tecnolóxicas, enxeñerías e matemáticas entre o alumnado de bacharelato.
A participación activa da UNED de Lugo neste programa, mediante a titorización de proxectos de investigación e a organización de actividades formativas, consolidou o seu papel como referente na promoción da cultura científica e do talento investigador xuvenil.
Con esta aprobación recoñécese o labor de mentorado realizado polo profesorado do centro, que acompañará académica e persoalmente ao estudantado que cursou o bacharelato de excelencia e se matricule na UNED no curso 2025-2026.
Este acompañamento facilitará a súa transición á vida universitaria, fortalecendo a motivación, o rendemento académico e a integración desde os primeiros meses.
A iniciativa forma parte da estratexia da UNED de Lugo por ofrecer unha atención personalizada e innovadora, e constitúe unha proposta diferenciadora no sistema universitario galego.
Así mesmo, está aliñada coas accións do COIE da Sede Central no marco do proxecto europeo OPEN EU, especialmente na creación de programas de mentorado para colectivos infrarepresentados, como as mulleres en STEM e o estudantado de zonas rurais.
A supervisión do programa realizarase desde o COIE da UNED de Lugo. Unha vez finalizada a participación e achegada a documentación (rexistro de asistencia e seguimento), o COIE tramitará a acreditación a través da Sede Central, que emitirá o certificado correspondente.