A UNED de Lugo exhibe a diversidade biolóxica do río Rato
O paseo guiado “Descubrindo a biodiversidade do río Rato”, organizado pola UNED de Lugo a través do seu proxecto #LugoNaturalMente e en colaboración coa Asociación Ecotono, celebrouse con grande éxito recentemente.
A actividade, enmarcada na conmemoración do Día Internacional da Diversidade Biolóxica, contou cun notable grupo de asistentes. Durante o percorrido, o educador ambiental Daniel Monteagudo guiou ao grupo a través do bosque de ribeira e do carballal anexo, ofrecendo valiosas explicacións sobre a riqueza ecolóxica da contorna, as súas especies máis representativas e a importancia de conservar estes ecosistemas.
A UNED de Lugo reforza así o seu compromiso coa educación ambiental e coa conexión da cidadanía coa natureza próxima, poñendo en valor a diversidade biolóxica e a riqueza dun espazo natural privilexiado, a escasa distancia do centro da cidade.
