Mañá celébrase a Xornada de Acollida do Curso 24-25

O COIE (Centro de Orientación e Emprego) de Lugo, en colaboración co Centro Asociado da UNED de Lugo, organiza a XORNADA DE ACOLLIDA dirixida a todos/as os/as estudantes da UNED, especialmente a aqueles que se matriculan por primeira vez.

Esta xornada contribúe a familiarizar ao  estudante co campus virtual e coa plataforma, así como a coñecer todos os recursos educativos da UNED.

Abrirá a Xornada a directora Ana Belén Traseira, dando a benvida aos/ás futuros/as estudantes. Seguidamente a coordinadora do COIE, Carmen Gallego, presentará os servizos que o Centro de Lugo pon ao alcance dos/as estudantes. Finalizando a mesma, o coordinador tecnolóxico, Xavier Fernández Salgado, presentará a plataforma virtual do/a estudante e os recursos que a UNED pon a disposición do estudante.

É totalmente gratuíta. Celebrarase o día 25 de setembro no Salón de Actos do Centro Asociado á UNED en Lugo, en horario de 17:00 a 19:00 horas . Tamén se emitirá por streaming en directo e en diferido .

Os/as estudantes interesados/as deben matricularse en  https://extension.uned.es/actividad/39535