Aberto o prazo de preinscrición para Másteres EEES UNED

Xa está aberto o prazo de preinscrición para aqueles estudantes novos que desexen cursar algúns dos másteres oficiais do Espazo Europeo de Educación Superior que oferta a UNED. A praza pódese solicitar ata o 8 de xullo salvo nalgúns casos excepcionais: os másteres universitarios en Psicoloxía Xeral Sanitaria e en Formación do Profesorado de ISO e Bacharelato, Formación Profesional e Ensino de Idiomas pecharán o prazo de solicitude o 17 de xuño; pola súa parte, os másteres universitarios en Investigación en Psicoloxía e Ciencias Agroambientais e Agroalimentarias UNED-UAM abrirán o período de preinscrición a partir do 24 de maio e manterano ata o 8 de xullo. Os antigos alumnos que queiran continuar cos seus estudios deberán esperar a setembro para formalizar a súa preinscrición.

Para o curso 2016-2017, a UNED oferta tres novos másteres aos seus alumnos: o Máster Universitario en Ciencias Agroambientales e Agroalimentarias, que se desenvolverá de forma conxunta coa Universidade Autónoma de Madrid (UAM); o Máster Universitario en Arbitraxe e Mediación: Alternativas á resolución xudicial de conflitos, e o Máster Universitario en Enxeñaría Informática. O proceso de preinscrición realízase de forma online no seguinte enlace. Os títulos de Máster que non completen as prazas ofertadas no prazo ordinario de preinscrición poderán abrir un prazo extraordinario de preinscrición do 1 ao 8 de setembro de 2016.