A UNED de Lugo organiza unha actividade para fomentar a inserción no mundo laboral

4 de Febreiro de 2022

A actividade Técnicas de inserción laboral ofrece a posibilidade a todas aquelas persoas interesadas de coñecer e explorar a fondo diversas alternativas útiles e necesarias, para o seu desenvolvemento profesional, así como de descubrir varios aspectos que lle axudarán a conformar e fortalecer o seu perfil e obxectivos laborais, unha vez finalizados os seus estudos.

Traballarase desde un enfoque práctico, sobre todo, moi actual, para alcanzar unha aprendizaxe realista con respecto ao mercado laboral e as súas bondades e obstáculos. Esta formación expón unha inmersión total no panorama que se abre cando saímos ao mercado laboral en busca de oportunidades, e por que non dicilo?, a por a conquista das nosas metas.

Unha actividade que será impartida por María Fernanda Núñez Uzcátegui, licenciada en Comunicación Audiovisual, docente de formación para o emprego, especializada en Orientación laboral, comunicación e marketing e a procura activa de emprego e RRSS.

Realizarase online, en directo ou en diferido, do 18 de febreiro ao 22 de abril, no horario de16:00 a 19:00.

Máis información e matrícula en:

https://extension.uned.es/actividad/26068&codigo=TDIL