A UNED de Lugo participa no XV Encontro de Bibliotecas da Uned – XI Foro de Especialistas en Información e Documentación de Andalucía

A UNED Lugo participou os días 22 e 23 de febreiro no XV Encontro de Bibliotecas da UNED – XI Foro de Especialistas en Información e Documentación de Andalucía organizado conxuntamente polo Vicerreitorado de Centros Asociados da UNED, a Biblioteca da UNED e a Asociación Andaluza de Profesionais da Información e a Documentación (AAPID).

A UNED Sevilla foi o centro anfitrión ao que asistiron máis de oitenta participantes, entre persoal da Rede de Bibliotecas UNED e outros profesionais do ámbito. A conferencia maxistral a cargo de Gloria Pérez Salmerón celebrouse na Casa da Provincia de Sevilla e as mesas redondas abordaron temas esenciais como a intelixencia artificial e a innovación en servizos bibliotecarios, así como a sustentabilidade e transformación social. Estas actividades foron complementadas con enriquecedores talleres prácticos sobre a xestión do catálogo compartido e o desenvolvemento de espazos colaborativos.