Presentación de LUGOPOÉTICA 2024
O próximo martes, día 27, vai ser presentada, no Salón Muralla da Delegación territorial da Xunta de Galicia en Lugo, “LUGOPOÉTICA”, unha acción cultural da UNED e a Xunta de Galicia, desenvolvida por Egeria, na que participarán doce poetas (seis mulleres e seis homes), seis con destacada traxectoria e seis novas voces do rico panorama poético lucense.
Na presentación participarán a directora en Lugo da Uned, Ana Traseira, Marta Barreiro, delegada accidental da Xunta en Lugo, Sagrario Sánchez, xefa territorial de Educación, Cultura e Universidades, o secretario xeral de Política Lingüística, Valentín García e o presidente de Egeria, Xulio Xiz.