Exames do primeiro cuadrimestre do curso 2014/2015

O venres 23 de xaneiro de 2015, con motivo da celebración do patrón da Universidade, non se impartirán titorías nin no C. Asociado da Uned de Lugo nin nas Aulas Universitarias de Foz, Monforte e Viveiro. Posteriormente, as semanas do 26 ao 30 de xaneiro e a do 9 ao 13 de febreiro realizaranse os exames no C. Asociado da Uned de Lugo. Na primeira semana non se impartirán titorías nin do Curso de Acceso nin das titulacións de Grao. Na semana do 2 ao 6 de febreiro impartiranse titorías de ambas as dúas, e na semana do 9 ao 13 de febreiro só se impartirán titorías do Curso de Acceso. No documento Información importante exames UNED.doc detállanse unha serie de recomendacións importantes sobre a realización de exames na Uned. Recordamos tamén que, para poder acceder ao exame, ten que traer o carné da UNED e o DNI, e que debe revisar os seus horarios de exame no seguinte enlace (debe estar validado previamente en Campus UNED)  http://portal.uned.es/portal/page?_pageid=93,14024325&_dad=portal.

O inicio do segundo cuadrimestre terá lugar o luns 16 de febreiro.  Pódense consultar os horarios de titoría así como os cambios que se irán producindo ao longo do cuadrimestre na páxina web da Uned de Lugo www.lugo.uned.es .

Para formular calquera problema, dúbida ou para recibir calquera suxestión ou queixa dispón do correo electrónico info@lugo.uned.es  e do teléfono 982280202.