A semana que vén comeza un curso sobre a metodoloxía de aprendizaxe propia da UNED

28 de Outubro de 2021

O COIE (Centro de Orientación e Emprego) de Lugo en colaboración co Centro Asociado da UNED de Lugo, organizan o curso de Extensión Universitaria Técnicas de Estudo Autorregulado 21/22. Un curso que contribúe a que os alumnos coñezan as características e esixencias do modelo educativo da UNED, á vez que lles permite iniciarse nas técnicas que axudan a mellorar e rendibilizar o estudo. Pretende ser un apoio inicial, en especial, aos novos estudantes que lles permita abordar con éxito os seus estudos universitarios a distancia. Ten como obxectivo familiarizar ao alumno coa metodoloxía propia da UNED.

Este curso será impartido por Dª María Fuensanta Otero Beltrán, coordinadora de Extensión Universitaria da UNED de Lugo e Aula de Foz e titora con Venia Docendi en UNED Lugo.

Realizarase en liña en directo ou en diferido os días 3 e 10 de novembro en horario de 16:00 a 21:00 horas.

Dispón de toda a información e acceso á matrícula en  https://extension.uned.es/actividad/25230&codigo=TDEAC.