UNED Lugo e o Colexio Diocesano San Lorenzo asinan un convenio de colaboración educativa
David Varela Vázquez, reitor e director titular do Colexio Diocesano San Lorenzo, e Ana Belén Traseira Pena, directora do Centro Asociado UNED en Lugo, subscribiron un convenio de colaboración educativa.
A firma, que levou a cabo nas instalacións do Colexio Diocesano, situada en Anxo López Pérez, s/n, foi precedida pola actividade Ningún Aro Sen Rede que a Fundación Breogán, Ecoballution e a UNED levaron a cabo no pavillón deportivo do Colexio e que contou coa participación do xogador do CB Breogán Sergi García.
Estes convenios, que poñen de manifesto o compromiso do Colexio Diocesano San Lorenzo e da UNED coa formación dos lucenses, permitirán que alumnos da UNED de Lugo non teñan que desprazarse a outros centros limítrofes para realizar prácticas obrigatorias de laboratorio, que pasarán a desenvolverse nas magníficas instalacións coas que conta o Colexio. Este convenio súmase ao que acaba de renovar a UNED de Lugo co Grupo Lence e que permite ao alumnado da UNED realizar prácticas de laboratorio nas dependencias da factoría Ceao 2.
A directora agradece ao reitor do Colexio Diocesano San Lorenzo, David Varela, a súa colaboración e compromiso coa formación universitaria dos lugueses e manifestou a importancia deste acordo. Ademais, incidiu no valor de establecer sinerxías con outras institucións educativas luguesas, para o desenvolvemento de proxectos que promovan os 17 Obxectivos de Desenvolvemento Sustentable da Axenda 2.030 da ONU.
