A Subdelegación do Goberno organiza un Seminario na UNED para achegar a Administración á cidadanía lucense

A Subdelegación do Goberno en Lugo impartirá, coa colaboración da UNED de Lugo, o Seminario “A Administración a un clic, no teu móbil”, dirixido ao alumnado do centro universitario lucense. A xornada contará con intervencións dos técnicos da Subdelegación que explicarán o catálogo de servizos que ofrece na actualidade o organismo, centrándose no certificado dixital, a cl@ve, a carpeta cidadá e o programa A Administración cerca de Ti, entre outros. A charla celebrarase na sede da UNED en Lugo o vindeiro mércores, 22 de marzo, ás 11:30 horas.

Máis información e matrícula en https://extension.uned.es/actividad/29801&codigo=SCAA