Máis de 100 alumnos do IES Santiago Basanta Silva formáronse coa UNED e ADEGA a través do Programa Pasaporte Solidario e do Proxecto Ríos

Esta actividade realizouse tamén a través do proxecto #LugoNaturalMente, que foi galardoado en 3 ocasións polo Consello social da UNED e que se basea na promoción e contribución aos Obxectivos de Desenvolvemento Sostible da ONU (ODS).

 

Esta mañá, 100 alumnos do IES Basanta Silva de Vilalba desprazáronse ata o centro da UNED de Lugo, onde recibiron formación sobre o proxecto ríos de ADEGA, ao que a UNED leva adherida dende 2019.

Posteriormente desprazáronse á beira do río Miño para realizar a inspección de primavera deste, que consistiu na análise da calidade das augas do río Miño ao seu paso pola sede da UNED.

Esta análise tamén se basea no recoñecemento dos seres vivos que habitan as augas da canle fluvial e que nos permite determinar qué calidade posúen.

Os estudantes realizaron esta formación no marco do proxecto da UNED #LugoNaturalMente, sendo acompañados pola directora do centro da UNED de Lugo, que dirixe este proxecto xunto co xestor de administración do ente universitario.

A actividade foi impartida por Ramsés Pérez responsable de educación ambiental de ADEGA.

En 2005 nace o Proxecto Ríos en Galicia, coordinado por ADEGA, cos propósitos de divulgar a situación ambiental dos nosos cursos fluviais, contribuír a incrementar a concienciación ambiental a través da participación cidadá e achegar solucións aos problemas asociados á auga e aos ríos, así como de convertese nun referente prográmasnos de educación e voluntariado ambiental. Na actualidade este proxecto está promovido pola Consellería de Medio Ambiente, Territorio e Infraestruturas a través dos organismos Augas de Galicia e Instituto de Estudios do Territorio.

Esta actividade pertence ao programa pasaporte solidario para el curso 22/23 ´, que permite ao alumnado elaborar un itinerario de actividades de voluntariado consistente na achega de diversas actuacións solidarias que poderán cubrir, a petición do centro, nun pasaporte solidario físico. En cada páxina hai unha actividade solidaria que o alumnado debe realizar en atención ás actuacións do proxecto reflectido na memoria do centro.

Estas producións informan do proceso persoal seguido polo alumnado implicado, permitíndolles observar os seus esforzos cotiás e logros, en relación cos obxectivos de aprendizaxe e criterios de avaliación en materia de voluntariado establecidos con carácter previo.

Esta colaboración constitúe unha aposta decidida da UNED e o IES Basanta Silva pola metodoloxía do Aprendizaxe-Servizo (ApS).

O aprendizaxe-servizo é un método para unir a aprendizaxe co compromiso social. É aprender facendo un servizo a comunidade.

En primeiro lugar, o verdadeiro éxito da educación consiste en formar bos cidadáns capaces de mellorar a sociedade e non só o seu currículo persoal.

En segundo lugar, os nenos e novos non son os cidadáns do futuro, son xa cidadáns capaces de provocar cambios no seu ámbito. Os case 4.500.000 de nenos e novos en idade escolar que temos en España poden contribuír a facer un mundo mellor arranxando o parque próximo á súa escola; aliviando a soidade dos avós ou contando contos a nenos máis pequenos.

E, en terceiro lugar, resulta que, ademais, facer un servizo á comunidade, axudar aos outros, é un dos métodos de aprendizaxe máis eficaces, porque os rapaces e rapazas atopan sentido ao que estudan cando aplican os seus coñecementos e habilidades nunha práctica solidaria.