Sergi Quintela e Nardo Eiroa cociñaron xuntos para Sabores Saudables da UNED Lugo

O segundo “Sabores Saudables” tivo como protagonistas ao chef Nardo Eiroa do Restaurante Canedo, e a Sergi Quintela, capitán do Club Baloncesto Breogán SAD. Cociñaron uns ‘Tallaríns de mar picantes con tomate en tres texturas’. A iniciativa audiovisual da #UNEDLugo reúne a referentes do deporte e a cociña lucense na promoción da alimentación saudable e o produto de tempada quilómetro cero. O programa #SaboreSaudables, no marco da iniciativa #UNEDLife, ten como obxectivo acompañar a deportistas profesionais de clubs lucenses para coñecer as súas rutinas nutricionais e retalos a cociñar da man de parte dos mellores chefs da provincia.